NAMA        : NI MADE SASTRI DWISARINI

KELAS         : XI IPA-5

NO              :29

Nyanggra wanti Warsa SMAN 3 Denpasar

                Inggih nawegang majeng ring:

            -Bapak kepala sekolah miwah wakil kepala sekolah

-Para dewan guru

-Para pegawe sane bhaktinin titiang

-Miwah para sisia utawi sameton sane banget tresna sihin tiang.

Sadurung titiang mahbah daging pidartan titiange puniki, pinih riin titian ngaturang pangastungkara panganjali umat

                        “Om Swastyastu”

            Inggih karma SMAN 3 Denpasar sareng sami, rikanjekane mangkin pinanggal 17 Januari 2010, iraga sareng sami mrasidayang mapupul iriki tan lian wantah gumanti jagi nyanggra Wanti Warsa SMAN 3 Denpasar kaping 33. Sakadi ida dane para guru, pegawe, miwah sisia utawi sameton sampun uning, SMAN 3 Denpasar punika sampun kasub ring jagat Bali. Punika kakranayang olih ‘kedisiplinan’ sane kamedalang sadina-dina iriki. Lianan ring punika, SMAN 3 Denpasar taler ngamedalang  ‘kesederhanaan’, ’kekeluargaan’, miwah ‘kebersamaan’. Punika kabaos 4 pilar SMAN 3 Denpasar. SMAN 3 taler akeh madue prestasi ring pendidikan lan seni. Punika ngranayang SMAN 3 Denpasar malianan sareng sekolah-sekolah  sane lianan.

            Inggih karma sareng sami, yadiastun tuwuh SMAN 3 Denpasar  sampun dawa, kemaon SMAN 3 setata digjaya. Sajabaning punika, iraga sapatutnyane prasida nglaksanayang tata karma sane kamedalang iriki.

            Inggih utamaning majeng ring para sisia sareng sami, iraga sapatutnyane angob ring jati raga santukan sampun prasida masekolah iriki. Iraga taler patut bhakti utawi sungkem  guru pangajian. Sajabaning punika iraga patut jemet masekolah mangda nenten nguciwaning utamannyane guru rupaka lan guru wisesa.

            Makawasana atur titian, yening wenten makekirang langkung antuk titing ngaturang utawi wenten makatuna lewihipun,  inggihan ring panyembrama, genah miwah aturan, riantuk punika titiang nunas  geng rena sinampura.

            Sadurung kasineb, ring galah sane becik puniki, titian ngaturang angayubagia Wanti Warsa SMAN 3 Denpasar kaping 33. Dumogi sangkaning pasuecan Ida Sang Hyang Widhi Wasa saha malarapan antuk utsaha warga SMAN 3 Denpasar kawentenan sekolah druene mangda sayan nincap.

            Inggih asapunika atur titiang, titiang ngaturang parama santih

                        “ Om Santih, Santih, Santih, Om”.